الحقن المجهري
• الفرق بيت الحقن المجهري والتلقيح الصناعي:
التلقيح الصناعي: ما هو إلا خطوة بسيطة بنعتمد فيها إننا بناخد عينة الزوج ونجهزها وبنختار منها أفضل الحيوانات المنوية وبنحقنها في رحم الزوجة.
الحقن المجهري: هو خطوات متعددة المراحل؛ واللي بتعتمد على تخصيب البويضة من الزوجة بالحيوان المنوي في المعمل، وبعدها بنرجع البويضة المخصبة لرحم الزوجة.
طيب إيه هو الفيصل في إختيار التلقيح ولا الحقن المجهري؟
الفصيل هنا هو حالة كل زوجة، فو كانت بتواجه مشكلة بسيطة زي إن تأخر الحمل مش معروف سببه، أو لو الزوج عنده مشكلة في حركة أو عدد الحيوانات المنوية بنلجأ للتلقيح الصناعي.
أما لو جربنا كل وسائل كل الحمل الطبيعي والتلقيح الصناعي وبرضه مفيش حمل، بنلجأ للحقن المجهري.
• الحمل مع وجود مخزون مبيض ضعيف:
أولاً مهم نعرف إن النسبة الطبيعية لمخزون المبيض AMH بتكون 1.0 وبتكون قليلة لو بتتراوح بين 0.3 لـ 0.6 وفي الوقت ده بنلجأ للحقن المجهري فوراً علشان ننقذ المخزون الموجود.
ووقتها خطة الحقن المجهري بيكون ليها بروتوكول معين علشان نضمن أعلي نسب نجاح ليه.
• خطوات "الحقن المجهري"
أول خطوة بتتم في عملية الحقن المجهري هي "تنشيط المبيض" واللي فيها بنحدد للزوجة جرعة معينة من الأدوية لتنشيط المبايض للحصول علي عدد معين من البويضات، وجرعة الأدوية المستخدمة لازم تكون دقيقة ومناسبة لحالة الزوجة ولإستجابة الرحم عندها لإن زيادتها أو نقصانها ممكن يتسبب في عدم إستجابة المبيض إستجابة سليمة.
واللي بيساعد أكتر حالياً في مدي دقة جرعات الأدوية دي "تحليل AMH" أو تحليل مخزون المبيض اللي بنقدر من خلاله نعرف حالة المبيض أوحالة مخزون البويضات وعلي أساسه هنحدد الجرعة المناسبة اللي هتحتاجها الزوجة، ووجود "قلم الخصوبة" بديل الأدوية اللي قدر يساعد في ضبط أخذ الجرعة اللي بتحتاجها الزوجة بالظبط من غير زيادة أو نقصان، غير إن أثناء التنشيط كمان بيتم متابعة هرمون الإستروجين في كل زيارة علشان نطمن علي إستجابة الزوجة لجرعات التنشيط.
4 علامات للحمل بعد الحقن المجهري:
1- أول علامة هتلاحظيها هي زيادة الافرازات، وده بيكون نتيجة الأدوية اللي بتاخديها في الفترة دي.
2- نزول نقط دم، وأنا عارف إنك ممكن تقلقي من نقط الدم، ولكن أحيانًا بتكون علامة على ثبات الجنين في الرحم.
3- الإمساك، وده بيكون نتيجة التوتر أو القلق، أو نتيجة الأدوية.
4- فيه أعراض تانية ممكن تلاحظيها زي آلام الحوض - المغص - التقلصات - الدوخة أو الغثيان.
سبب فشل الحقن المجهري
مش الحقن نفسه، الحقيقة إن الناس ظالمة الحقن المجهري. علشان كده هنعرف مع بعض النهاردة أشهر أسباب فشل الحقن المجهري وطريقة عالجه.
بس الاول مهم نعرف
إن لو البيئة المحيطة بالجنين غير صالحة، أكيد هيحصل فشل للحقن. وده كان بيحصل زمان لما كنا بنعتمد على السونار فقط للتشخيص والتحضير ما قبل الحقن.
لكن المنظار الرحمي عمل طفرة في عالج أصعب الحاالت اللي أتعرضت لفشل الحقن المجهري.
هنتعرف على الالسباب مع بعض: -
- لو فيه مشاكل داخل التجويف الرحمي متعالجتش قبل الحقن المجهري، دلوقتي بنعالجها بالمنظار عكس زمان كنا بنكشف بالسونار وده مكنش بيوصل لنا الصورة كاملة للتجويف بشكل واضح.
- لو فيه لحمية صغيرة ومبانتش في السونار، دي ممكن تزود إنقباضات الرحم وتسبب فشل الحقن المجهري، لكن بالمنظار بنقدر نعالجها.
- لو فيه ورم ليفي صغير مش متشخص بالسونار، بنقدر نعالجه بالمنظار الرحمي.
- الحاجز الرحمي كمان بيتعالج بالمنظار في ١٠ دقائق فقط.
- التصاقات داخل تجويف الرحم، الصح يكون سلس وناعم ومنتظم لكن لو حصل كحت وتنظيف أكتر من مرة أو عملية جراحية وقتها تجويف الرحم بيكون غير صالح الستقبال األجنة وبيسبب فشل الحقن.
عيادة د. محمد المهدي جمبك في كل تفاصيل الرحلة.
